Makataong Pagtrato sa Nahuling NPA sa Mindoro, Habang Patuloy ang Pagpatay ng NPA sa mga Sibilyan sa Negros

Oktubre 18, 2026 — Ipinakita ng mga pwersa ng gobyerno ang makataong pagtrato matapos mahuli si Miguel Magbata, alias “Mikoy,” isang senior New People’s Army (NPA) leader, noong Oktubre 14 sa Sitio Bagao, Barangay San Roque, Bulalacao, Oriental Mindoro.

Nahuli si Magbata sa isang armed encounter. Nakarekober ang tropa ng 203rd Infantry Brigades ng high-powered firearm at iba pang war materials. Sa kabila ng 11 outstanding warrants of arrest at limang bagong kaso na isinampa laban sa kanya (kasama ang murder at attempted murder), pinayagan siyang makipagkita muli sa kanyang pamilya habang isinasagawa ang legal na proseso.

Ayon sa opisyal na pahayag, “Regardless of the number of criminal charges an individual faces, every person in custody must be treated humanely. The courts will determine accountability. The duty is to protect communities, respect human dignity, and ensure that justice takes its proper course.”

Nagpasalamat ang pamilya ni Magbata sa makataong pagtrato at pagpapadali ng reunion.

Kabaligtaran sa Negros

Habang ipinakita ng puwersa ng gobyerno ang respeto sa due process, umamin naman ang NPA na pumatay ng tatlong magsasaka sa Southern Negros Occidental sa loob lamang ng siyam na araw, mula Oktubre 4 hanggang 12, 2026. Noong Oktubre 4, pinatay ang isang 59-anyos na magsasaka na gumagamit ng alyas na “Natoy” sa Barangay Yao-yao, Cauayan, matapos siyang akusahan ng NPA ng panggagahasa. Kinabukasan, Oktubre 5, pinatay naman si “Dioleto” sa Barangay Santol, Binalbagan, na inakusahan bilang intelligence asset. Noong Oktubre 12, isa pang magsasaka na si Vergilio “Billy” Icunas ang pinatay sa Barangay Basak, Cauayan, matapos siyang akusahan ng pagkakasangkot sa isang sigalot sa lupa at pananakot. 

Ang NPA mismo ang umangkin ng responsibilidad sa mga “death sentence” na ito. Matagal nang tinutukoy ang Negros bilang sentro ng spy-tagging at summary executions ng grupo laban sa mga sibilyan. Simula noong 2021, umaabot na sa 66 na sibilyan ang tala ng mga pinatay ng New People’s Army sa isla ng Negros.

Ipinakikita ng dalawang pangyayari ang malaking kaibahan: ang pwersa ng gobyerno ay nagrerespeto sa dignidad ng tao at due process kahit sa mga nahuling rebelde, samantalang ang NPA ay patuloy na nagsasagawa ng extrajudicial killings laban sa mga ordinaryong magsasaka.